NA 29/8/17 Una poesia del grande poeta Salvatore Cerino
Riceviamo e pubblichiamo la seguente poesia inviataci dalla figlia Assunta Cerino.
L’ISOLA VERDE
(tratta dal volume di poesie “Immensità” di Salvatore Cerino)
Ch’abbaglio!…
Sti Ville spaziate,
cu ll’aria ndurata, p’’o
verde che regna,
me parene sciure ca songo
schiuppate!
Che verde pe’ coppe
Furio,
pe’coppe Citara… so’ vite:
so’ vigne!…
Sentì fanno ‘o sciato d’’a
terra ch’è Dio!
Che ncanto!… Luntano e
vicino
so’ grappule d’uva… sti
grappule a pigne
so’ perle ndurate, so’ perle
‘e rubino.
E ntiempo ‘e vennegna se
sente
ca ‘o sciato d’’o sango d’’a
terra se stenne
pe’ ll’aria e n’addore ‘e
cellare asprulente
fa sentere ‘a vita
cchiù allera,
fa sentere ‘o bbene: l’ammore
se ‘ntenne
e ll’anema gode: se sente
sincera.
‘O vino ‘e sti vvigne
ristora,
attira ‘o paisano, attira ‘o
straniero,
renfresca, rinforza, recréa,
accalora…
E ntutte ‘e mumente d’’a
vita,
stu vino frizzante, addiruso,
liggiero
ce dice: “Sta vita è pe’ mme
sapurita!…
So’ ‘o vino ca scaccia ogne
noia
e traso int’’e ccase ‘e tutte
‘e paise,
pecchè songo ‘o Bbene!
Pecchè songo ‘a gioia!”
E vènene a st’Isola ‘e spuse
inglese, spagnuole, rumene,
francise…
p’’o mare, p’’o vino, p’’e
monte addiruse…
‘A sera, p’’o cielo, a
migliare
‘e stelle brillano,
riflettono a mare
e attuorno, lucenno, so’
tutte lampare…
e po’ luce-luce p’’e vvite…
e ‘arille, accurdanno a ‘e
ccicale, me pare
che dicene : “Gente, venite!
Currite!…
ca Ischia, d’’o munno, è ‘o
surriso!…
Venite a gudé Mparaviso!”
Pubblicata da Alberto Del Grosso
Giornalista Garante dei Lettori
del giornale Positanonews
Nessun commento:
Posta un commento