A durece anne…

Io scrivo e scrivo

ma nun me scordo ‘e te.

Me pare aiere

ca tu stive cu mme.

‘O primm’ammore

nun se scorda maie,

ma ch’era ammore

nun l’aggio maie saputo.

Io ce penzavo

ch’ero cannaruto:

nu vaso a te vulevo

e nun ce fuie.

Si m’azzeccavo a te,

te ne fuive.

Sempe a nu passo

e mai na carezze.

Tu nun vulive.

Nun ire ancora pronta.

Simme guagliune,

‘e vvote me dicive.

Se cagne idea

ciente vote ‘o juorno.

Veneno vote

ca ‘un te supporto proprio.

E cchiacchiere

n’avimmo fatte tante

c’ancora e ancora

stessemo a parlà.

L’ammore,

ma qua ammore  ?

A durece anno.

c’è tiempo ancora.

E ‘a villa

a 'nnanze  e arrete

ciente vote

senza cagnà mutivo.

Pareva c’’o tenivo

già bello e fatto

e io te venevo appriesso

comme a nu matto

ca nun sape

chello c’adda fa.

A dudece anne

chiste so’ ‘e fatte.

Ma quale ammore ?

Nuie stevemo a pazzià!

Sulo accussì

me pozzo rassignà

si no quanno te veco

ce soffro ancora

c''o core

cuntinua a sparpetià...

Gioacchino Ruocco

Ostia lido                 19/06/2014