Novena di Pasqua

I’ tutte ‘e ssere

I’ tutte ‘e ssere dico ‘e ccose e Ddio,

ma so’ parole ca se ne vanno ‘o viento.

Si me rivolgo ‘e sante è pe devozione

o pe che stammo dint’’o Sangiuvanno.

Comme a Gesù i’ songo figlio ‘o poate

e no a nu zio, a nu parente o ‘a n’ato,

si no i fosse figlio d’’a Madonna

ma mamma mia nun me c’è purtato.

E allora?  I’ quanno prego ‘o Padre nostro

nun voglio sulo ‘o ppane, ma’a crianza

e avè nu poco poco ‘e attenzione

e no sulo giustizia pe l’inferno,

ca nun ce credo pecchè ‘o Pataterno

ca è dio forse ‘e vvote s’è sbaglaito

e io ne pave ‘e ppene. Io songo n’ato

pe fa qualcosa ca nun saccio ancora.

Allora io vularria ca ce dicesse

‘a doppo tantu tiempo si è overo

ca Ddio è sulamento nu mistero

o tene pu’isso nu male comme ‘o mio

ca ogne tanto soffre ‘e pecundria

e sbatte ‘a capa contro a qualche muro muro

e nun tengo paura ‘e m’’a spaccà

ca sto sbattenne già a n’eternità.

Gioacchino Ruocco

Ostia Lido             26/03/2013