domenica 13 febbraio 2011

Poeti Napoletani:Gioacchino Ruocco


Vulesse riturnà, ma po’ che faccio…
 (Ostia Lido, 7 settembre 2009)
 
 
A nustalgia ch’‘e vote me piglia
tu nun ‘o saie ‘o male ca me fa,
me fa passà jurnata ‘e maraviglie
e ate ca me fanno disperà.

E’ comme sta cu ‘e piede
int’‘a cchiù scarpe:
vulisse cammenà
ma ‘nn’‘o può fà.

Passe cchiù tiempo
a ricurdà ‘o tiempo
c’arrete nun ritorna
c’‘a vita ca mò campe.

Ato che ballo ‘e ll’urzo!
Si ‘a carne
rest’attaccata all’uosso
‘o core ‘nn’‘o faie fesso,

nun te fa cchiù campà.
Che fa rituorno?
E addò t’appuogge?
Ll’amice ch’erano tesore

che ll’ha sentute cchiù?
Chistu paese è bello,
m’‘a nostalgia
ca te fa venì

comme ‘a na malatia
te spacca ‘e cerevelle.
Te porta pe mmano
p’‘e vie ca tu saie

e ancora tu vuò fà.
Ma cu ll’età ca tengo
trovo na carrozzella?
Me guardo attuorno

e me sento perzo
dint’a st’eternità.
Saglienno p’‘o Castiello,
scennenno pe’ Varano

spera ‘e truvà
na mano ‘a stregnere
na faccia ‘a ricurdà
e salutà qualcuno.

Ma chi m’aspetta
si nun c’è cchiù nisciuno
ca s’arricordo ‘e me?
E guardo attuorno,

ma chi m’era frate
ormaie nun ce sta cchiù.
Soltanto ‘e vvoce
parene ancora ‘e stesse…

E uno ca me ferma:
-Ma tu nun sì pe caso…
‘O guardo ma c’‘o dito ‘ncopp’‘o naso
le dico ‘e nun parlà.

Chiagne o sto suffrenno
senza na lacreme
e nu dolore ‘npietto
m’astregna ‘o core
e quase m’arricetta.

M’assette e chiudo ll’uocchie
speranno ca nu suonno
me porta a n’ata parte,
ma tremmene ‘e denocchie
chi ‘o sa si po’ ci ‘a faccio.

Ma tu nun si?
Chi songo? Nun ‘o saccio.
Parite na perzona ca conosco…
Ca canuscive forse,

ma io nun songo ‘e ccà.
So furastiere ormaie,
forse tant’anne fà
ma po’ redenno

ce strignimme ‘a mano
e ce guardammo pe ce salutà
comme a quann’eremo guagliune
sicure ‘ancora ‘e ce truvà. 

Ma ‘ncap’‘a me: - Chisto m’è fatto fesso! -
‘E castelluoneche so' sempe ‘e stesse
ma songo gente ‘e core.
Te vonno fa sentì comm’uno ‘e lloro.
 
                                         G. Ruocco


Da " Poetica stabiese - Libero ricercatore.


La storia è quella che tanti di noi hanno vissuto partendo dal proprio paese per trovare una sistemazione altrove. Molti son riusciti a trasferire non solo se stessi, ma anche i propri cari, il proprio amore, il proprio mondo mentre altri hanno perso per strada pezzi importanti delle propria vita, forse, perché non avevano la forza di farlo e il valore che gli attribuivano erano di poco conto. Il distacco ha fatto giustizia di molti amori e di molte amicizie.
Chi si è trovato amaramente in questi frangenti è dovuto correre ai ripari dando alla propria vita una nuova fisionomia salvando,  in buona parte, soltanto il ricordo del proprio paese di origine e la voglia di rivederlo almeno attraverso internet, attraverso il tuo sito che, andandogli in soccorso, gli ripropone Castellammare sia com'era  in passato, sia nel presente con gli avvenimenti e le cronache della vita di ogni giorno, i turni delle farmacie, i vicoli, il sito archeologico, i giochi di quando si era bambini, i modi di dire, i soprannomi, ecc., ricreandogli una memoria che rischiava di perdere. Il protagonista, senza dimenticare i momenti felici vissuti con chi si è preso la briga di inviargli la "meza cartulina" e non dimentico del suo paese di origine, quasi per sfregio verso questa donna che, forse, ormai libera da impegni affettivi gli si ripropone sconvolgendogli almeno per un attimo l'esistenza risvegliandolo dal torpore dell'età, le risponde che di Castellammare non può fare a meno: - Castiellammare ‘o guardo dint’‘o sito... perché  "Castiellammare è tutto nu surriso", ma di lei si perché non è in grado di perdonare na ‘nfamità  come questa che lo fa sentir male più di quello che ha già sofferto. E' una poesia, però, dedicata al mio paese che, come il protagonista, sto riscoprendo grazie al tuo sito che mi permette di riandare agli anni che vi ho trascorso durante i quali incominciavo a dare corpo ai miei sogni che in buona parte, come hai potuto leggere, si sono avverati o si stanno ancora avverando. Saluti e buon Ferragosto...  Gioacchino Ruocco".





'Sta meza cartolina che m’he scritto

‘Sta meza cartolina che m’he scritto
m’ha scumbinata ‘a vita.
Ma chi t’ha fatto fa?
Si chisto è nu dispietto, t’è riuscito!

Int’‘a stu core tengo nu casino,
na confusione ca nun me dà pace
e nun me dà ‘o curaggio
‘e te penzà.

Te veco cu ‘e llacreme ‘int’‘a ll’uocchie
dint’‘a na villa chiena ‘e ombre nere
a cammenà comme a duie pazze,
addò nun fuie capace ‘e te rassicurà
ca io partenne nun te lasciavo,
nun me ne jevo pe’ t’abbandunà:

"Dimane piglio ‘o treno e sto addà te!"
Ma po’ passanno ‘o tiempo
qualcosa succedette.
Nun m’arricordo chi ‘e nuie
facette ‘a primma mossa,
si fuie io ca nun te rispunnette
o tu ca nun scriviste cchiù.
Cercaie na ragione e nn'‘a truvaie.
Forse sbajaie tanno e pure mò.

Nu juorno ca qualcuno me dicette:
“Nannina s’è spusata!”
facette ‘a parte ‘e chi nun vò capì.

Quant’ire bella !
Quanta suspire tu m’è fatto fa!
‘O tiempo ca perdevo
regneve ‘e suonne ‘e na felicità
ca io nun capevo
pecchè nun me facive ragiunà.

Vulesse riturnà, ma nun ‘o faccio.
Cu quale faccia ci’avessemo guardà?

Si pigli’‘o treno nun è cchiù ‘o stesso
ca me fa turnà!
M’he miso ‘ncuollo na malincunia
ca me dà freva e nun me fa campà.

Chi me sta attuorno me guarda,
ma nun sape ‘o male ca m’è fatto,
pecché io sto suffrenno.
E’ meglio ca m’arrenno,
o tiro ‘nnanze?

Castiellammare ‘o guardo dint’‘o sito,
e scanzo ‘a villa e me ne vaco
p’‘e vie ca nun saie.
Ma a chi ‘a racconta chesta jacuvella?
Me sento dint’‘e mane nu prurito
ma penzo ca sta vita è ancora bella.

Chello ch’è stato è stato, c’aggia fa!
Ma st’internet mò c’appiccio a fa?
Castiellammare è tutto nu sorriso
a parte ‘a ‘nfamità ‘e qualcheduna
ca sape ‘e me fa male e me vò muorto
pe chill’ammore che l’è juto stuorto.

G. Ruocco

Da " Poetica stabiese - Libero ricercatore.

Nessun commento:

Posta un commento